♦️ग्रामविकास मंत्री जयकुमार गोरेंवर गंभीर आरोप करणाऱ्या महिलेला १ कोटी खंडणी प्रकरणात अटक..

▲सातारा दि. २१ – मंत्री जयकुमार गोरेंवर आरोप करणाऱ्या महिलेलाच खंडणी प्रकरणात अटक झाल्याने महाराष्ट्रभर एकच खळबळ उडाली आहे.

राज्याचे ग्रामविकास मंत्री आणि भाजप नेते जयकुमार गोरे यांच्यावर गंभीर आरोप करणाऱ्या महिलेला सातारा पोलिसांनकडून खंडणी प्रकरणात अटक करण्यात आली आहे. महिलेने मंत्री गोरे यांच्याकडे हे प्रकरण मिटवण्यासाठी तीन कोटी रुपयांची मागणी केली होती. त्यापैकी एक कोटी रुपये स्वीकारताना तिला सातारा पोलिसांनी अटक केली आहे.

• काही दिवसांपूर्वी या महिलेने माध्यमांसमोर येत दिली होती प्रतिक्रिया..

काही दिवसांपूर्वी या महिलेने माध्यमांसमोर येत ग्रामविकास मंत्री जयकुमार गोरे यांच्यावर गंभीर आरोप केले होते. यामुळे राजकीय वर्तुळात खळबळ उडाली होती. महिलेने गोरे यांच्यावर नग्न फोटो पाठवल्याचा आरोप केला होता. हा मुद्दा विरोधकांनी उचलून घेत विधानसभेतही गाजवला होता.

• आता या प्रकरणात मोठा ट्विस्ट आला आहे. 

आरोप करणाऱ्या महिलेलाच खंडणी प्रकरणात अटक झाल्याने संपूर्ण महाराष्ट्रात एकच खळबळ उडाली आहे. सातारा शहर पोलीस ठाण्यात पुढील कार्यवाही सुरू आहे. या घटनेमुळे अनेक चर्चाना उधाण आलं असून, यामागे काही कटकारस्थान आहे का, याची शक्यता वर्तवली जात आहे. याबाबत सातारा पोलीस या प्रकरणाचा अधिक तपास करत आहेत.