♦️विशेष पोलीस महानिरीक्षक मा. सुनिल फुलारी याचा फलटण येथे होणार नागरी सत्कार.. नागरिकांच्या घेणार समक्ष भेटी.

▲शिरवळ दि. १० – कोल्हापूर परिक्षेत्र कोल्हापूरचे विशेष पोलीस महानिरीक्षक मा. सुनिल फुलारी १०/०३/२०२५ ते दिनांक १२/०३/२०२५ या कालावधीत सातारा जिल्हा पोलीस दलाची वार्षिक निरीक्षण तपासणी करीता सातारा जिल्हयामध्ये येत आहेत. 

 पोलीस महानिरीक्षक मा. सुनिल फुलारी यांना केंद्रीय गृहमंत्रालयाचे राष्ट्रपती पोलीस पदक प्रदान करण्यात आले असल्याने, यानिमित्ताने त्यांचा मंगळवार दि. 11 रोजी सकाळी 10.30 वाजता फलटण येथे सजाई गार्डन, जाधववाडी येथे नागरी सत्कार करण्यात येणार आहे. 

      याच बरोबर ते उपविभागीय पोलीस अधिकारी, उपविभाग फलटण कार्यालय व फलटण शहर पोलीस ठाणे, शिरवळ पोलीस ठाणे या ठिकाणी वार्षिक तपासणी करीता येणार असुन या दरम्यान मा. सुनिल फुलारी थेट नागरिकांशी संवाद साधत नागरिकांच्या अडीअडचणी जाणुन घेणार आहेत.

या नागरी सत्कार कार्यक्रमास सातारा पोलीस अधिक्षक समीर शेख, अप्पर पोलीस अधिक्षक डॉ. वैशाली कडूकर, उपविभागीय पोलीस अधिकारी राहुल धस, प्रभारी अधिकारी, फलटण शहर, फलटण ग्रामीण, खंडाळा, शिरवळ, लोणंद पोलीस ठाणे, फलटण व खंडाळा तालुक्यातील पोलीस पाटील व नागरिक उपस्थित राहणार आहेत. तरी या कार्यक्रमास उपस्थित राहण्याचे आवाहन करण्यात आले आहे.