♦️“पप्पा मला खूप भीती वाटते” अल्पवयीन मुलीचा विनयभंग..

▲ शिरवळ दि.2 – राज्यात गेल्या काही दिवसात महिला व मुलींवरील अत्याचाराच्या घटना घडत असल्या बाबत राज्यभर आंदोलन व निषेध व्यक्त होत असतानाच शिरवळ पोलीस ठाण्याच्या हद्दीत एका दहावीत शिकणाऱ्या मुलीचा विनयभंग केल्याची घटना समोर आली असून याबाबत आज शिरवळ पोलीस स्टेशन येथे गुन्हा नोंद करण्यात आला आहे.

         याबाबत शिरवळ पोलिसांनी दिलेल्या माहिती अशी की दि. १ सप्टेंबर रविवार असल्याने पीडित मुलीचे कुटुंब मुलीला घेऊन पुण्याला फिरायला घेऊन गेले होते. रात्री घरी आल्यानंतर मुलीने भीती पोटी “पप्पा मला खूप भीती वाटतेय..” असे म्हणत पीडित मुलगी वडिलांना म्हणाली. यानंतर वडिलांनी याबाबत सखोल विचारणा केली असता तिने संपूर्ण घटना वडिलांना सांगितली. 

          दि. २९ ऑगस्ट रोजी सकाळी ६ वाजण्याच्या सुमारास पीडित मुलगी एकटी क्लासला कॅनॉलवरून जात असताना आशोक शिवाप्पा चलवादी याने पीडितेचा विनयभंग केला. या घटनेचा पीडित मुलीला खूप त्रास होत असल्याने तिने हा संपूर्ण प्रकार वडिलांना सांगितला. त्यानंतर अखेर २ सप्टेंबरला येथील एका कंपनीच्या गेटवर जावून पीडितेच्या वडिलांनी संशयित आरोपी आशोक चलवादी याला बाहेर बोलावून त्याला सोबत घेवून थेट शिरवळ पोलीस ठाणे गाठले. त्यानंतर संशयित आरोपी आशोक शिवाप्पा चलवादी याच्याविरोधात गुन्हा दाखल करण्यात आला असून या प्रकरणाचा पुढील तपास शिरवळ पोलीस स्टेशन करीत आहेत.

बातमी व जाहिरातींसाठी संपर्क -9011555123