♦️भोर तालुक्यातील आंबवडेत दारू पिताना वादावादी; वादावादीत एकाचा संशयास्पद मृत्यू.?

▲ आंबवडे, भोर दि. २३ – भोर तालुक्यातील आंबवडे येथील एका ढाब्यावर मित्रांबरोबर दारू पीत असताना झालेल्या मारामारीत एकाचा व्यक्तीचा मृत्यू झाल्याची घटना काल सोमवारी सायंकाळी घडली तुषार शिनगारे वय ३९ वर्ष, रा. कर्नावड असे मयत व्यक्तीचे नाव असून घटनास्थळारून मिळालेली माहिती अशी की.

मयत तुषार शिनगारे व त्याचे दोन मित्र हे आंबवडे गावातील एका ढाब्यावर दारू पिण्यासाठी बसले होते. दारू पिताना तुषार आणि त्याच्या दोन मित्रांमध्ये वाद निर्माण झाला. त्या वादाचे रूपांतर हाणामारीत झाले. या हाणामारीत तुषारचा मृत्यू झाल्याची माहिती प्रत्यक्षदर्शी व घटनास्थळावरील उपस्थित नागरिकांन कडून ऐकायला मिळाली. घटनेची माहिती मिळताच भोर पोलिसांनी घटनास्थळी धाव घेतली.

भोर पोलिसांनी मृतदेह पहाणी करून तुषार याचा मृतदेह शवविच्छेदनासाठी भोर येथील शासकीय रुग्णालयात पाठविला आहे. तूषारच्या मृत्यूमध्ये घातपात झाल्याचा संशय नागरिकांमधून व्यक्त होत असून भोर पोलिसांनी त्याचे सोबत मद्यपान करणाऱ्या इतर दोघांनाही ताब्यात घेतले आहे.

तुषारच्या मृतदेहावर सद्य स्थितीत कुठेही जखमा नसल्याचे प्राथमिक परिस्थितीत दिसत आहे असे भोर पोलिसांनी सांगितले असून सदर घटनेबाबत पुढील तपास भोर पोलीस ठाण्याचे पोलीस अंमलदार राहुल मखरे करीत आहेत.

आंबवडे – चिखलगाव खोऱ्यात अवैधरित्या चोरटी दारू धंद्यांचा सुळसुळाट झाला असून भोर पोलिसांनी अश्या अवैध दारू धंद्यांवर तात्काळ कायदेशीर कारवाई करून असे अवैध धंदे तात्काळ बंद करावेत अशी मागणी गावकऱ्यांन मधून होत आहे.

बातमी व जाहिरातींसाठी संपर्क – 9011555123